তুমি

পক্ষীয়ে কি উদ্দেশ্যেৰে মাতিছে বুজি নাপালেও শুনি ভাল লগাৰ দৰে, তুমি কি উদ্দেশ্যেৰে হাঁহিছা বুজি নাপালেও তোমাৰ মুখৰ হাঁহি দেখি বহুত ভাল লাগে।

মানুহবোৰে কৈছিল, মোৰ জপৰা চুলিত এদিন কাউৰীয়ে বাহ সাজিব বুলি

কিন্তু কাউৰীয়ে চোন বাহ নাসাজিলে,

বাহ সাজিলে তোমাৰ হাতৰ লিহিৰি আঙুলিয়েহে৷

যিদিনা তোমাৰ দুপাৰি দাঁতৰ অন্তিম দাঁতটো সৰিব, সেইদিনাও তোমাৰ অভিমানবোৰ আজিৰ দৰেই একেই থাকিবনে?

মোৰ ঘামত জী উঠা অণুজীৱবোৰৰ আজি যে কিমান উল্লাস! কাৰণ সিহঁতে যে আজি তোমাৰ ঘামত সাঁতুৰিবলৈ পাইছে।

 

পঠনীয়:  স্ব-নিৰ্দেশনা
Tags:
No Comments

Post A Comment